( غلابا)

غلابا
ناس ديابا وناس غلابا ,,,,,,, هي دي الدنيا يابا
ناس بترضي بزلها ,,,,,,,, وناس بتكسر ضعفها
وبيتولد شرها ,,,,,,,, لما تيجي علي الغلابا
غلابا

اللي راضي بزلو يعيش عمال بيرخي ويدادي
علشان ياكل لقمة عيش موت عزت نفسه وراضي
واللي يقول انا عندي ولادي ,,,,,,, هما منايا وكل حصادي
وعايش علشانهم بيتاتي ,,,,,,,,,,, ده أسمة ضعف مسموش طيبا
غلابا

دة اللي يفكر يظلم غيرة ويزل ويدوس علناس
مايت قلبة فيه وضميرة وعايش بنا بلا إحساس
عايش بلأسم إنسان ,,,,,, لكن فكرو وطبعه شيطان
وبستقوي علي الغلبان ..... وبنديلو بضعفنا هيبا
غلابا

دة اللي يعيش بظلم ويسكت يبقي الجاني مش مجني عليه
علشان لما هنرضي ونسكت الظالم كده بنقوي
مهما أن كان ظهرك عريان ,,,,, ربك وياك ياغلبان
أرفض ظلمك عيش إنسان ,,,, أنت مش فريسا لديبا
غلابا

الغلبان من حقه ياناس يعيش رافع راسه لفوق
ولا عشان غلبان ينداس وملوش دايه وأى حقوق
أحنا مش عايشين بلادين ,,,, ليه ننداس تحت الرجالين
العيب فينا عشان ساكتين ,,,,, بسببنا الدنيا بقت غابا
غلابا